(8361)222-84-07

slabo

  • m 111111111111111111111111111111111111111111111111111111111
  • m image001
  • slay321
  • tashpminf1
  • tashpminf2
  • tashpminf3
  • tashpminf4

SAYLAW MÚNÁSEBETI MENEN MOYNAQQA SAYAXAT SHÓLKEMLESTIRILDI

Автор: mednf.uz on .

      Búgin mámleketimizde eń ahmiyetli siyasiy waqıya – Ózbekstan Respublikası Prezidenti saylawı bolıp ótpekte.

       Qaraqalpaqstan medicina institutında jaylasqan 15-saylaw uchastkası erteń azannan elimizdiń jarqın keleshegi ushın dawıs beriwge kelgen saylawshılarǵa toldı. Shınında da xalıqtıń erteńgi kúnin belgileytuǵın bul siyasiy waqıya elimizdiń hesh bir puqarası biyparıq emes. Solar qatarında Qaraqalpastan medicina institutı student jasları da saylawda belsene qatnaspaqta.

     Sonday-aq Qaraqalpaqastan medicina institutı administratsiyası hám institut kásiplik awqamı tárepinen saylaw múnásibeti menen sawǵa sıpatında institutta basqa wálayatlardan kelip oqıp atırǵan student jaslar ushın Moynaqqa sayaxat shólkemlestirildi.  

    Moynaqqa jeyip kelgen jaslar dáslep Moynaq Ekologiya muzeyinde boldı. Muzeyde Aral teńizi tolıp tasıp turǵan dáwirlerdegi tábiyat, ósimlikler menen haywanatlar dúnyasın sáwlelendiriwshi eksponatlardı tamashaladı hám sol waqıtlardaǵı Moynaq xalqınıń turmısı jóninde bir qansha maǵlıwmatlarǵa iye boldı. Sonday-aq Aral teńiziniń tariyxına baylanıslı bolǵan bir qatar orınlardı barıp kórdi.

     Qaraqalpaqstan medicina institutı administraciyası hám institut kásiplik awqamı tárepinen saylaw múnásebeti menen shólkemlestirilgen sayaxat arqalı sayaxarqa shıqqan student jaslar Aral teńiziniń tariyxına baylanıslı keń maǵlıwmatlar alıp, Moynaqtaǵı búgingi jańalanıwlar menen tanısıwǵa miyasar boldı.

 

 

QMI baspasóz xızmeti

 

SAYLAW-2021

Автор: mednf.uz on .

  Ózbekstan Respublikası Oliy Majlis senatorı Ataniyazova Oral Aminovna 70-sanlı saylaw uchastkasında birinshilerden bolıp Prezident saylawında qatnasıp, múnásip talaban ushın dawıs berdi.   

21-OKTYABR ÓZBEK TILINE MÁMLEKETLIK TIL BIYLIGI BERILGEN KÚN

Автор: mednf.uz on .

     Til - mámlekettiń tımsalı, millettiń - bas belgisi, mádeniy hám ruwxıy baylıǵı, xalıqtıń tarıyxı.

     1989-jıldıń 21-oktyabr kúni «Mámleketlik til haqqında»ǵı Nızam qabıl etilip, Ózbek tiline mámleketlik til biyligi berildi. Ótken jıllar dawamında ózbek tiliniı baylıǵı hám gózzallıǵı shın mánisinde júzege shıǵıp, ilimiy tiykarda rawajlandı hám ózbekstanda jasawshı júzden aslam millet wákillerin óz-ara baylanıstıratuǵın doslıq, mehir–aqıbet tiline aylandı.

     Bıyıl ózbek tiline mámleketlik til biyligi berilgenine 32-jıl toldı. Usı sánege baǵıshlanıp 21-oktyabr kúni Qaraqalpaqstan medicina institutında «Til-ma'naviyat ko'zgusi» atamasında bayram keshesi bolıp ótti. Kesheni institut rektorı, senator O.A. Ataniyazova kiris sóz benen baslap berdi. Ol óz sózinde ózbek tiliniń tariyxı, onı izertlewdiń hám úyreniwdiń áhmiyeti, sonday-aq ózbek tilin biliw medicinada ayrıqsha zárúr ekenligi jóninde aytıp ótti.

     Bunnan soń Qaraqalpaq mámleketlik universiteti oqıtıwshısı N.Klichev, Qaraqalpaqstan medicina institutı ózbek tili, ádebiyatı hám jámiyetlik pánler kafedrası oqıtıwshıları V.Sultanova hám O.Abdullaevlar sońǵı jıllarda ózbek tilin úyreniw, onı izertlew baǵdarında alıp barılıp atırǵan ilajlar, qabıl etilgen húkimetlik qararlar jóninde bayanatlar jasadı.

     «Ana tildi súyiw - Watansúyiwshilik hám ata-babalar ruwxına bolǵan húrmet belgisi» - dep atap ótti shıǵıp sóylewshiler. Shınında da ata-babamızdan bizge biybaha miyras bolıp, jetip kelgen ana tildi húrmetlep-qásterlew, keleshek áwladqa sap halinda jetkeriw búgin bársheniń minnetli wazıypası sanaladı.

     Bayramǵa arnap shólkemlestirilgen keshe institut talaba jasları tárepinen tayarlanǵan ádebiy oqıw, soraw-juwap, viktorina oyınları menen oǵada mazmunlı hám tásirli ótti.

QMI baspasóz xızmeti

 

 

KELESHEGIŃ USHÍN DAWÍS BER!

Автор: mednf.uz on .

    Kópshiliktiń xabarı bolsa kerek, jaslardıń siyasiy bilimlerin hám huqıqıy mádeniyarın arttırıw, ámeldegi normativ-huqıqıqy hújjetler haqqındaǵı túsiniklerin jetilistiriw, jaslardı 24-oktyabr kúni bolıp ótetuǵın Ózbekstan Respublikası Prezidenti saylawında belsendilik penen qatnasıwǵa shaqırıw maqsetinde Respublikamızdıń barlıq Joqarı oqıw orınlarında úgit-nasiyat ilájları alıp barılmaqta.

USHÍRASÍW OǴADA MAZMUNLÍ ÓTTI

Автор: mednf.uz on .

     “Keleshegiń ushın dawıs ber!” uranı astında ótkerilip atırǵan “Úgit-násiyatlaw poezdi” joybarı delegaciya aǵzalarınıń bir toparı búgin Qaraqalpaqstan medicina institutına qádem qoydı. Tashkent qalasınan kelgen professor-oqıtıwshılar basshılıǵındaǵı úgit-násiyatshılar toparı institut jámááti tárepinen qızǵın kútip alındı. Kóterinkilik penen baslanǵan ushırasıwdı institut rektorı senator O.A. Ataniyazova kiris sóz benen baslap berdi hám ol óz sózinde elimizde alıp barılıp atırǵan jańalanıwlar elimizde alıp barılıp atırǵan jańalanıwlar, jaslar ushın jaratılıp atırǵan imkaniyatlar haqqında ayta otırıp, aldımızda jaqınlap kiyatırǵan Prezident saylawınıń el keleshegi ushın áhvbqeti tuwralı toqtap ótti.

    Bunnan soń Úgit-násiyatshılar toparı basshısı Sarvar Tojiboyev sóz alıp, Tashkent qalasındaǵı bir qatar Joqarı oqıw orınlarınıń belsendı talaba jaslarınan quralǵan topar aǵzaları menen tanıstırdı hám joybardıń mazmun-áhmiyeti jóninde túsinik berdi.

     Bas maqset student jaslardıń saylaw nızamshılıǵı boyınsha huqıqıy sanasın h.m mádeniyatın arttırıw, saylawda jaslardıń belsene qatnasıwın támiyinlewden ibárat bolǵan bul ushırasıwda úgit-násiyatshılar toparı wákilleri saylaw huqıqınıń principlerı, saylaw kodeksiniń dóretiliwi hám onıń tiykarları, dawıs beriwdiń áhmiyeti haqqında jaslarǵa keń tırde maǵlıwmatlar berip ótti.

   Ushırasıw talaba-jasladıń úgit-násiyatshılar menen saylawǵa baylanıslı soraw-juwap, sáwbetlesiwleri menen dawam etip, jaslar óz pikirleri menen ortaqlastı. Sońonda úgit-násiyatshılar toparı aúzaları tárepinen atqarılǵan saz hám qosıqlar ushırasıwǵa jánede kóterińkilik baǵıshladı.

 

QMI baspasóz xızmeti